IPINASOK ni Rafael sa academy si Roxen. Interesado namang mag-aral ang bata. Siguro kung hindi dumating sa buhay niya si Roxen, baka matagal na siyang nabaliw dahil sa pag-iwan sa kanya ni Charie. Limang buwan na magmula noong umalis si Charie. Hanggang ngayon ay hindi pa rin niya alam kung nasaan ito. Ang ikinakatakot niya ay baka hindi na niya ito makitang buhay pagkatapos nitong manganak. Isang buwan na lang ay kapanganakan na ng dalaga. Hindi niya maramdaman ang aura nito. Nakarating na siya sa Taiwan pero wala roon ang dalaga.
Hindi puwedeng maghintay siya kung kailan bumalik si Charie. Hindi siya nagsayang ng panahon. Ginawa niya ang lahat para makita ito. Nakatulong sa kanya si Geon. Binigyan siya nito ng tip na posibleng nasa puder ni Leeven si Charie. Naawa siya kay Geon kaya ba
