ISANG linggo na ang lumipas magmula noong nagpakita si Leeven kay Charie. Hanggang sa mga sandaling iyon ay hindi siya komportable at hindi siya nakakatulog nang maayos. Sa gabi lang sila magkasama ni Rafael dahil busy ito sa misyon nito. Ang mommy nito ang sumasama sa kanya sa tuwing magpapakonsulta siya kay Dr. Rivas.
Kinagabihan pagkatapos ng hapunan ay nanatili siya sa salas habang hinihintay si Rafael. Pasado alas-nuwebe na ng gabi pero hindi pa ito umuuwi. Pati ang daddy nito ay wala pa sa mansiyon. Nasanay na siguro si Jhen na palaging wala ang asawa. Pero para sa katulad niyang baguhan sa buhay nagdadalang-tao, hindi siya nakakatulog hanggat wala sa tabi niya si Rafael.
Mamaya ay dumating si Jhen mula sa zoo. Binisita nito ang tigre na kapapanganak. May dala itong hilaw na mangga
