Chapter 118
"Grabe ka, Ate Vee!" hiyaw ni Vella. "Pamilya mo kami. Pero kaya mo kaming talikuran dahil lang sa maayos na ang buhay mo?" nakita ko si Nanay na papalapit. Sumunod na rin ito. Nang makitang nakasalampak si Vella ay mas lalong bumilis ang lakad nito. Inalalayan ang isa sa paborito n'yang anak na makatayo. Alerto naman ang mga bantay ko. Kahit si Kateren ay gano'n din.
Ako... kalmado lang ako.
"Pababayaan mo na ba talaga kami, Ate Vee? Gusto kong ayusin ang buhay ko. Pero kailangan ko ng tulong mo. Kahit isang beses lang, 100k. Madali lang sa 'yo iyon. Malaking tulong na sa akin iyon para makapagsimula ako."
"Vella, tama na iyan." Saway ni nanay rito. Ang tingin nito sa akin ay punong-puno nang hinanakit. Naaawa ata sa anak n'yang si Vella... pero sa akin ay hindi. "Kung
