Chapter Ninety-two
Fifth Fox Zimmer
Maingat na iginilid ko ang maleta. Hindi ako natuloy sa USA. Hindi kami natuloy. Pagod na pagod ang katawan ko. Parang gusto ko na lang na humilata. Walang maingay na tawanan na sumalubong sa akin pagdating ko. Walang Via na naglalaro sa sala na bantay ni Vicky. Walang Vee na malawak ang ngiti kahit na nitong nagdaang mga linggo ay iba ang trato ko rito.
Ibinagsak ko ang aking katawan sa kama. Saglit na tumulala. Hinihila na ako ng antok at pagod ko. Pero hindi naman iyon nagwagi dahil ang nasa isip ko ay si Vee. Dinampot ko ang intercom sa bedside table. Tumawag ako sa kusina dahil tiyak na may tao roon.
"Hello?" ani ni Manang.
"Manang, nasaan po sila Vee?" baka nasa unang floor. Sa kwarto ni Via at Vicky. Nakapikit pa akong naghintay ng sagot
