"Bakit mo pa kasi ibinaba ang anak ko? Sinong nagbigay sa’yo ng karapatan na basta-basta ilalabas ang anak ko? Naiinis na ako sa’yo! Lagi ka na lang sumusulpot! Masyado ka ring atribida!" galit na sabi niya sa binata pagdating sa labas ng building.
Natigilan si Grecco sa sinabi niya. Ngayon lang din nito nakita siyang nagalit ng ganoon.
"I'm sorry, Cupcake. Hindi na mauulit. Nawala sa isip kong nandoon pala ang ama ni Callen,” anitong nakahawak pa sa braso niya.
Nabigla din siya sa sinabi niya. Hindi kasi mapakali ang sarili niya ngayon.
"Penging isang stick," aniya at inilahad ang kamay.
Tiningnan muna siya ni Grecco bago kinapa ang bulsa. Ito na rin ang naglagay sa bibig niya at nagsindi.
“Iwan mo muna ako at sabihan mo si yaya, na i-akyat ang anak ko. Maliwanag?” sabi niya pagkata
