[Josh]
Ikinonekta ko ang phone ko sa speaker ng sasakyan ko, at saka ko pina-abante ang sasakyan. Humalo na ako sa mga sasakyan sa kalsada, at saka ako nagsalita.
"Hey, google! Call Baby Blaire."
Agad na kusang nag-dial ang phone ko.
Calling Baby Blaire...
["Hubby? Nasaan ka na?"]
"Going home, baby... going home..."
["Akala ko hindi ka na makakauwi tonight, eh..."]
Bahagya akong natawa.
"Miss me, baby?"
["Siyempre naman! Three days ka kaya sa Bohol. Tapos ikaw lang mag-isa dun. Malay ko ba kung nangchi-chicks ka lang dun!"]
Natawa uli ako sa sinabi ni Blaire.
"Baby, isinasama kita doon sa launching, remember? Ikaw itong may ayaw."
["Tsk! Eh, kasi nga... alanganin. Birthday ng anak mo bukas, di ba? Ang daming dapat asikasuhin dito. Kung sumama ako sa iyo baka magahol ako para
