Kabanata 64 - Part II
Third Person’s POV
Hindi pa man tuluyang sumisikat ang araw ay nakadungaw na si Amelia mula sa kanyang bintana. Tanaw na tanaw niya mula sa ikatlong palapag ng bahay nila ang malawak na hardin nilang punong-puno ng samu’t saring mga bulaklak at orchids na personal na inaalagaan ng kanyang ina. Isang mahabang buntong-hininga ang pinakawalan niya sabay tingin sa cellphone niya.
“No replies, huh…” malungkot niyang bulong at hindi napigilang mapanguso. Mukhang ayaw talaga siyang kausapin ni Isidro. She has been texting him ever since she came back from the states, hoping she could get a decent reply from him, pero wala. Isidro has obviously no interest in her at all.
Huminga siya nang malalim bago tuluyang binuksan ang salaming bintana ng kwarto niya at lumanghap ng p
