"Huwag mo muna ipapaalam sa kanila na nag-usap tayo," sabi sa akin ni Denise. Nag-aagaw na ang araw at gabi ng dumating kami. Tumango ako sa kanya bilang tugon at sa malayong kalsada na lang ako nagpapababa sa kanya para hindi kami makita ni Genro.
Pagdating ko sa bahay, si Eva ang sumalubong sa akin at nakaupo siya sa sofa na parang siya ang may - ari ng bahay. Naka - halukipkip pa siya pagkaharap niya sa akin.
"Saan ka nagpunta? Alam ba ni Genro na umalis ka?" galit niyang tanong pero hindi ko siya pinansin at dumiretso ako papasok sa kwarto para magbihis. Nang isasara ko na ang pinto ay nagulat ako dahil hinarang niya ang kanyang katawan.
"Kinakausap kita, huwag mo kong tinatalikuran!" sigaw niya sa akin Pinilit kong itulak ang pinto pasara pero mas masyado rin siyang malakas at a
