SINADYANG kapalan ni Ericka ang pagkakalagay niya ng lipstick sa kanyang labi upang hindi mahalata ang pamumutla niya dahil sa matinding kaba na nararamdaman niya. Ngayong araw kasi siya ipapakilala ni Alexandra sa pamilya nito. Sinadya niyang bumili ng bagong damit at magpa-rebound ng buhok upang maging presintable sa mga ito. Bumili rin siya ng malaking cake bilang regalo sa Mama ni Alexandra.
"Okay na ba ang lipstick ko?" tanong niya kay Alexandra.
Sinundo siya ni Alexandra sa inuupahan niyang bahay. Nasa sala silang dalawa.
Umarko ang kanang kilay ni Alexandra. "Bakit ganyan ang lipstick mo? Daig mo pa ang sinutok sa labi," prangkang sabi ni Alexandra sa kanya.
Tumingin siya sa salamin. "Makapal ba? kumuha siya ng tissue at bahagyang pinahid ang labi niya pagkatapos ay humarap siya
