KAHIT saan magpunta si Roseanne nakasunod si Matteo. At sa ginagawa ng lalaking ito ay lalo siyang sumisiklab sa galit.
“Hindi ka ba titigil sa pagsunod sa akin, Matteo?”
“Hindi, kaya bumalik ka na sa silid natin.”
“Anong oras na at gusto ko ng magpahinga kaya please lang umalis ka dito!” subalit niyakap lang siya nito ng mahigpit.
“I miss you, asawa ko.” bahagya siyang natilihan bago pinilig ang ulo. Hindi pwedeng maging mahina siya at manaig ang puso niyang matagal nang nangulila. Kapag hinayaan niyang muling mahulog kay Matteo, baka sa susunod kamatayan na ang sapitin niya sa kamay ng pamilya nito.
Malakas na tinulak ito at agad na lumabas siya.
Sa isang guestroom si Roseanne humantong. Walang kahit anong bagay sa silid na yon. Pero nahiga pa rin siya sa ibabaw ng kama. Antok n
