KINABUKASAN, kahit puyat si Roseanne ay maaga siyang bumaba. Hinanap ang mga pinsan at natagpuan niya ang mga ito sa lanai. Kaharap si Matteo at Mattias. Nang makita siya ng asawa at kakambal nito ay agad na tumayo.
“Del Fierro, Arvin, mauna na ako.” mabilis na paalam ni Mattias at walang lingon na naglalakad palayo.
“Ahm… ako rin, Arvin, may pasok pa ako at may mga pending na trabaho.” tumakbo na si Matteo at hinabol ang kapatid. Hinabol pa ng tingin ni Roseanne ang asawa. Pagpihit niya ng tingin sa mga pinsan ay nakatingin sa kanya ang lahat.
“Lumambot na ba ang puso mo sa iyong asawa?” tanong ng seryosong si Ros.
“Ahm…”
“Hayaan nyo na sila, mag-asawa ang mga yan kaya hindi nyo dapat pinakikialaman.” seryosong pahayag ni Arvin.
“Pero Kuya Vin, alam mo naman ang ginawa ng asawa niy
