NAGULAT si Seki sa nabanggit na pangalan ni Hades. Ngayon lamang niya ito naalala, naiwan itong mag-isa sa mansion at ayon sa kaniyang kapatid na si Sere ay ipinasundo na ito, subalit lumipas ang buong araw at hindi dumating si Aul. Hindi naman na nagsalita pa si Sere tungkol sa bagay at dahilan kung bakit ito hindi nakarating sa mansion, samantalang ang mga tauhang inutusan ay nakabalik naman sa Maynila. Hindi naman na nagtanong pa si Seki sa kapatid dahil sa dami ng bagay na kaniyang dapat isipin. “At bakit ka makikipagkita sa kaniya?” Nagpanggap si Seki na walang alam patungkol sa babaeng tinuran ng nobya, hindi niya kasi tiyak kung papaano sasabihin dito ang pagtira ni Aul sa kanilang bahay nang matagal.
“Hindi ko alam kung paano niya nalaman ang number ko, tumawag siya kaninang u
