HABANG nakatayo sa kalsada ay naisipan ni Seki na tawagan ang kaniyang tiyuhin na si Zack. Ito ang pinakisiyuan niya patungkol kay Daphnise, matapos niyang marinig sa nobya na nakita nito ang kanilang kaibigan sa mismong hotel na tinutuluyan. Naniniwala siya sa nakita nito kaya naman kaagad niyang sinabi sa tiyuhin. Nakailang pagtawag na siya ngunit walang sumasagot. Hanggang sa makapara siya ng isang taxi ay hindi sinagot ng kaniyang tiyuhin ang tumutunog nitong telepono.
Napailing siya at dali-daling sumakay sa sasakyan. Sinabi niya sa driver ang kaniyang nais puntahan habang hindi siya tumitigil sa pagtawag sa kaniyang tiyuhin upang malaman kung ano tama ba ang hinala niya o hindi. Sa kaniyang palagay ay mayroong pinagtataguan si Daphnise at talagang nasa maayos itong kalagayan, walan
