AUBREY
Nagtataka ako kung bakit daan pabalik sa dating bahay ni Tito Danish ang tinatahak ng sasakyang minamaneho ng asawa ko.
"Akala ko ba, pupuntahan natin sina mama at Tito Danish?" nagtataka na tanong ko kay Dexon.
"Yeah," tipid na sagot ng asawa ko na ngumiti habang hindi inaalis ang seryosong mga matang nakatutok sa kalsada.
"Then, bakit dito tayo pumunta?" Hindi nakatiis na tanong ko nang makitang pumasok kami sa gate ng dati nilang bahay na dati naming tinitirhan.
"Nasa loob sila, sweetie," sagot pa ni Dexon na pinatay na ang makina ng sasakyan at mabilis na bumaba na.
Gusto ko pa sanang magtanong pero binuksan na ni Dexon ang pintuan ng sasakyan kaya bumaba na rin ako at tinulungan siya sa mga bata at kinuha ang stroller.
Magkasamang pumasok kami sa bahay na akala ko wala
