AUBREY
Maaga pa lang, nagpahatid na ako sa tauhan ni Dexon. Hindi ko na sila pinasama ni Kuya Addie na isa rin palang makulit gaya niya. Mabuti nga at nakinig kanina dahil pinagsabihan ko talaga na bahala siya sa buhay niya at hindi ko tutulungan na magkaayos silang dalawa kapag nagpumilit siya.
Gaya ng dati, maingay na lugar ang sumalubong sa akin ng bumaba ako sa sasakyan dito sa Tondo. Hindi pumayag ang mga tauhan ni Dexon na mawala ako sa paningin nila gaya ng kasunduan nila ng asawa ko kaya heto, ilang hakbang lang ang pagitan na naglalakad sila at nakasunod sa likuran ko.
Hangga't maaari kasi ay ayaw kong makita ng mga taong narito na may bodyguard ako lalo na at may mga dala silang baril. Ramdam ko na pinagtitinginan kami ng mga taong nadaanan namin pero wala akong pakialaman a
