AUBREY
Tahimik na nakaupo ako sa front seat ng magarang sasakyan ni Dexon habang seryosong nagmamaneho ang asawa ko. Tahimik siya at sa kalsada nakatutok ang mga mata at atensyon niya. Nakikiramdam lang ako dahil hindi siya gaya ng dati na naglalambing sa akin sa tuwing magkasama kami lalo na at matagal kaming hindi nagkita at nag-usap man lang.
Masyadong seryoso si Dexon ngayon
Simula nang pumasok at sumakay ako dito sa kotse niya ay hindi na niya ako kinakausap pa. Kinakabahan at natatakot tuloy ako ngayon sa kanya dahil sa tuwing may tampuhan kami noon, lagi ay siya ang unang sumusuyo sa akin, hindi gaya ngayon na mukhang galit talaga siya at walang balak na kausapin man lang ako.
Nag-iisip tuloy ako kung anong drama ang gagawin ko para hindi kami mag-away mamaya pagdating sa bahay.
