AUBREY
Pakiramdam ko bumaliktad ang sikmura ko ng ilapag ni Cynthia sa harap ko ang bagong lutong lomi ng chef ni Dexon dito sa bahay. Mabilis na napatayo ako at tutop ang bibig na hindi napigilan ang magduduwal sa sink habang nanlalamig ang pakiramdam sa buong katawan.
Siguro nalamigan ang sikmura ko lalo na at hindi ako kumain kanina at ngayon ay almost ten o'clock na pala tapos malamig pa ang tubig na ginamit ko ng maligo, kasi pinagpawisan ako maghapon sa training.
"Are you okay, sweetie?" nag-aalala na tanong ni Dexon na ngayon ay panay ng hagod sa likuran ko.
Umiling ako dahil sa tuwing ibubuka ko ang bibig ko ay naduduwal na naman ako. Mahigpit nga ang hawak ko sa sink dahil pakiramdam ko ay mabubuwal ako kapag hindi ako humawak ng maayos lalo na tila nauupos ang lakas ko at kau
