Para kaming hindi nagpapatayan. Pormal ang pakikiharap sa amin ni Aquihiro. Gano'n din kami ni Atlas dito. Sa tuwing nasa loob ng kompanya ay nakukuha naming mag-usap nang matiwasay. Pero sa labas, kulang na lang ay ipaghukay na namin ang isa't isa nang libingan.
"Magsisimula na nga pa lang umusad ang annulment natin. Dumalo ka sa bawat hearing, para mapabilis ang legal nating paghihiwalay." Katatapos lang ng meeting. Alam ni Atlas na magpapaiwan ako sa boardroom para makausap ang lalaki.
Lumungkot ang expression ng mukha nito. Hindi nito iyon pinepeke. Dahil pati mga mata nito'y nagpapakita rin nang malungkot na expression.
"Huwag na nating pahirapan ang isa't isa. Matagal na tayong tapos. Dapat noon pa nga natin ito hinarap. Gusto kong makalaya sa pinasok kong kasal na ang daming i
