Pasulyap-sulyap ang babae sa akin. Kumakain na kami nito. Nasigawan ko ito kanina sa sobrang inis ko. Sira na ang cellphone ko. Pero ang tanging sagot lang nito sa akin bakit daw kasi hindi waterproof ang phone ko.
"Masarap." Seryosong ani nito habang panay ang subo. Paano ko pa matatawagan si Cala kung sira na ang phone ko? Wala rin akong extra na phone. Kakailanganin kong magtungo sa kabilang isla para mamili nang panibago, dahil tiyak ding hahanapin ako ng aking anak.
"Sumabay ka sa akin mamaya. Magpasundo ka na lang sa kabilang isla. Hindi ko talaga kailangan ng assistant dito." Nabitin sa ere ang muli nitong pagsubo.
"Anong sasakyan natin? May pupunta bang bangka rito?"
"May jet ski na available. Hindi ko matatawagan ang bangkero na pwedeng sumundo sa 'yo. Hindi ko rin matawag
