"Mama, sino sila?" pabulong na tanong ni Atlantis. Buhat ni Atlas si Andy at hawak naman n'ya sa kanang kamay si Aly. Papasok ang dalawa sa mansion ni Atlas. Ang prinsesa ko'y agad na lumapit at kumandong sa akin at bulong-bulungan. "Ma, sino nga sila? Sino ang mga kutong lupa na iyan?" agad kong sinamaan ng tingin ang batang agad napatakip sa bibig.
"Kutong lupa? Sino na naman ang nagturo sa 'yo n'yan?" pinanlalakihan ko talaga ito ng mata.
"Sabi kasi ni Tita Atalanta ay kutong lupa raw ako. Then I asked her what is kutong lupa. Sabi n'ya ang ibig sabihin daw no'n ay kids." Napapikit ako. Ilang ulit huminga nang malalim. Nakalapit na si Atlas at ang kambal.
"Tita Tabitha!" tili ni Andy na agad iniabot ang kamay sa akin. Pero dahil kandong ko si Atlantis ay hindi ko ito makuha. Kaya
