"May gustong ipahiwatig iyong sinabi ni Aquihiro. Ngayon pa lang ay umamin ka na sa akin, George." Tinignan ako ng asawa ko na bahagyang natatawa. Saka siya lumapit at niyakap ako.
"Alam mo namang may problema ang anak natin, Helda. Tapos magpapaniwala ka sa mga sinasabi n'ya. Hindi kami pareho, kailan ba kita niloko? May iniuwi ba akong babae rito sa bahay at ginawa kong kabit ko? Sa 'yo ako tumatabi ng tulog, ilang dekada na tayo. Sa tingin mo ba ay lolokohin pa kita? Ang tagal-tagal na natin, Helda."
"Wala sa tagal ng relasyon, kung gusto ng isang taong magloko. Kaya sige rin, isipin mo ang tagal ng relasyon natin. Kapag nagloko ka, iyon ang masasayang."
"Of course, hindi ko gagawin iyon sa 'yo. Mahal na mahal kita, asawa ko."
"Aba! Dapat lang, kayang-kaya kitang pabagsakin oras
