"Bakit n'yo kukunin? Ibinigay sa akin ito ni Mommy Helda." Taas na taas ang kilay, halatang handang magtaray. Kahit na hindi naman talaga sa kanya ang bagay na binabawi.
"Ibinigay sa 'yo dahil akala n'ya ikaw si Tabitha. Baka kasi hanapin ng mommy ko kay Tabitha ang regalo. Akin na." Nasa sala kami. Inabutan naming nanonood doon si Matilda ng TV. Sinamahan namin siya, tapos binuksan na ni Aquihiro ang topic tungkol sa regalo ng ina nito. Kalmado namang nagsasalita si Aquihiro. Nagpapaliwanag ng mga possible na mangyari kung hindi ibigay ng kapatid ko ang regalong para sa akin.
"I don't care. Akin na iyon." Sabay irap, at humalukipkip.
"Aqui, hayaan mo na. Mukhang gustong-gusto ni Tilda ang bagay na iyon na dapat ay sa akin." Mahinahong ani ko, kill them with kindness. Iyong tipong la
