Pangiti-ngiti kong inihahanda ang mga pagkain at inilalagay sa baunan. Magaan ang pakiramdam ko no'ng gumising ako. Naghanda nga agad ako, para bumaba ng silid. Habang tulog ang kambal ay inuna ko ang pambaon nila. Hindi ako pinigilan ng mga kasambahay, panay nga rin ang tanong nila kung may maitutulong ba sila sa ginagawa ko.
Pero hindi ko tinanggap ang tulong na iyon. Nang matapos sa baon, bumalik ako sa silid. Napansin kong may uniform nang nakahanda. Kaya naman ginising ko na ang mga bata.
"Good morning, mama!" bati ni Andy sa akin kahit na papikit-pikit pa ito. Yumakap naman sa leeg ko si Aly at humalik sa pisngi ko.
"Mag-shower muna kayo. Ayon na ang uniform ninyo. Ready na rin ang baon ninyo."
"Really? Papasok kami today sa tunay na school?"
"Yes, mga anak ko."
"I'm so ex
