"Ako si Natty, dating kasambahay sa mansion ni Zenon Reiz." Panimula ng matanda sa video. Matanda na ito, at nakaupo na sa wheelchair. "Magkasintahan pa lang si Thesa at Zenon ay nagsama na sila. No'ng unang dating ko sa mansion, nalaman ko agad na dalawang buwang buntis na si Ma'am Thesa, mahal na mahal ni Sir Zenon si ma'am, alagang-alaga. Base sa naririnig ko noon, ayaw raw ng magulang ni ma'am sa piniling lalaki ni ma'am, kaya kahit kailan ay hindi bumisita ang magulang ng amo naming babae sa kanila. Nakita ko kung gaano nila kamahal ang isa't isa. Ang dami nilang pangarap, kasama na roon ang pagpapakasal pagkapanganak ng babae. Dumating dito si Ma'am Nemfra, sa pagkakaalam ko'y matalik siyang kaibigan ni Ma'am Thesa, isa rin siya sa tauhan ni ma'am sa dati n'yang bayan. Pansin na nami
