Kumakain kami ng almusal nang makarinig kami ng busina ng sasakyan.
"Bumalik ba sila?" takang bulalas ni Atlas at nagmadaling nagpunas ng labi gamit ang tissue. Saka tumayo at iniwan ako sa dining room. Ipinagpatuloy ko naman ang pagkain ko. Maya-maya pa'y bumalik si Atlas na buhat na ang anak namin.
Para na namang hinaplos ang puso ko nang makita ko ang mag-ama ko. Nakabuntot sa mag-ama si Manay Welda na mukhang napalundag sa gulat nang makita ako. Halatang hindi nito alam kung paano itatago ang pagkagulat, kaya sumenyas ako rito.
"Akala ko ba gagala kayo?"
"I changed my mind. I want to make sure na totoo iyong sinabi ko sa 'yo. . . siya iyong girl sa room mo." Sabay turo sa akin ng bata. "Is she your girlfriend?"
Nagkatinginan kami ni Atlas. Wait, bakit kumabog ng ganito ang pus
