“Miss… sandali lang po, miss…” naguguluhang sabi ni Stephen habang patuloy ko rin siyang hinihila palayo roon.
Kung pwede lang na gawing triple ang mga hakbang namin ay ginawa ko na. Hindi ko magawang malingon si Stephen na kahit naguguluhan ay sumusunod din naman sa akin. Sa bagay, may choice pa ba siya kung hawak-hawak ko ang kamay niya? Mabuti na lang at malawak itong store at mabilis lang din kaming nakarating sa dulo dahil wala naman halos kami nakasabayan na bumibili sa parte na dinaanan namin.
“Ano po ang nangyayari? Bakit tayo nagmamadali?” Dahil din siguro sa gulat ay napalakas ang kaniyang boses. Habol din ang hininga na tinitingnan niya ako nang may pagtataka.
“May problema po ba, Miss Cata—?” Bago pa niya matapos ang sasabihin ay pinutol ko na iyon.
