“NANG malaman ko na pinalitan ni Rhaine lahat ng papeles niya para sa kasal namin at inilagay ang pangalan mo, palihim kong sinuportahan iyon para mas mapadali at masigurong sa’yo nga ako maikakasal at hindi sa kaniya. Siguro nga naging selfish ako sa part na iyon,” patuloy na pag-aamin ni Mark Anthony sa buong katotohanan. “Hindi ko inisip na baka lalo ko lang masaktan ang feelings ng kapatid mo. At hindi ko inisip na baka magalit ka kapag nalaman mong ikinasal tayo without your consent. Iyon lang talaga ang naisip kong paraan para mapa-sa’kin kang muli, hon. I’m sorry. Mahal na mahal lang talaga kita.” Apologetic na hinalikan uli nito ang kamay niya. “But don’t worry. Kung ayaw mo talaga na maging asawa kita, puwede ko namang gawan ng paraan para agad na mapawalang-bisa ang kasal nating
