TILA natigil ang aking paghinga nang marinig ang resulta. Napaawang ang bibig ko at kusang tumulo ang aking luha. Hanggang sa huli nga ay iniisip ko na sana hindi. Sana mababa ang probability rate na mag-ama sila para wala na kaming adjustment pero...
Hindi nakiayon ang tadhana.
"99.9 percent probability rate. Jairus is your child."
Nahimatay ako sa nangyari. Huli kong narinig ang pagtawag ni Axel sa pangalan ko.
Nagising ako na kisame sa clinic ang aking nakita. Napapikit ako ulit at huminga nang malalim.
"I'm glad you're awake."
Dumilat ako nang marinig muli ang boses ni Axel. Marahan ko siyang binalingan. May bahid ng lungkot ang mga mata niya at pag-aalala. Hinawakan niya ang kamay ko.
"How are you feeling?" he asked.
"Nahihilo ako," sabi ko at inalalayan niya akong umupo. Inab
