Napakunot-noo si Daniel nang pagpasok sa opisina ay wala siyang madatnan gayong kanina lang ay nag-text ang asawa na maghihintay doon ito kasama ang kanilang anak.
Nakita rin niya na nandoon ang bag ni Lance at mga papeles na naiwan lang sa table. Nakapagtataka sapagkat hindi ganoon si Maya. Hindi nito ugali na mag-iwan ng mga importanteng bagay.
Inilabas niya ang kanyang cellphone at in-dial ang numero ng asawa. Ngunit mas lalo siyang napakunot-noo nang may marinig ang tunog ng ringtone sa loob din mismo ng office at tila kay lapit lang.
Hindi niya pinutol ang tawag bagkus ay hinanap kung nasaan nanggaling ang tunog. At nakita nga niya ang cellphone ng asawa sa sahig malapit sa likod ng sofa ng recieving area.
Kaagad binundol ng kaba ang kanyang puso. Nararamdaman niya na tila may hi
