Naaawa si Maya sa kalagayan ng kanyang kapatid. Nanghihina ito. Halos hindi na makausap.. Gusto lang nitong matulog. Wala naman siyang magawa kundi ang punasan lang ito dahil hanggang ngayon ay hindi pa rin bumababa ang lagnat nito.
Alas dos ng madaling araw kanina nang dumating sila sa hospital. In-interview lang siya ng nurse kung ano ang nangyari sa kanyang kapatid pagkatapos ay sinabi nito sa kanya na maghintay lang muna na puntahan ng doctor ngunit mag-a-alas sais na ng umaga ay hindi pa rin natitingnan ang kanyang kapatid dahil sa sobrang daming pasyente na nandoon sa emergency. Bawal nga ang dalawang pasyente sa pagbabantay kaya pinauwi na lang niya ang nobyo. Pero nangako ito na babalik bago magtanghali.
Kinuhaan na ang kanyang Ate Mela ng dugo para sa laboratory para ma-determ
