"Daniel, gumising ka! Huwang kang magpakabaliw kay Maya!"
Napatigil si Maya sa pagpasok sana sa kusina nang marinig ang boses na iyon ni Tita Delia. Nasa bahay siya ng mga ito sapagkat dinala siya ng nobyo para doon maghapunan. Birthday ni Tita. At may munting salo-salo.
Nakahanda na ang lahat. Hinihintay na lang na dumating si Tito Danilo. Hindi siya mapakali na nakaupo lang sa sala kaya pupunta sana siya sa kusina para tanungin si Tita Delia kung may ipapagawa pa sa kanya. Pero napatda siya nang marinig ang kanyang panglan kaya hindi na lang siya tumuloy sa pagpasok.
Nakalabas na ng hospital ang kanyang kapatid. Gumaling na ang infection nito. Hindi man bumabalik ang dating sigla nito pero ngayon ay nakakakilos na. Nagpalit sila ng trabaho. Ito na ngayon ang nasa internet shop upang
