Labis-labis ang takot ni Maya habang nakasunod sa nobyo. Hindi niya inaasahan na dadating ito sa hospital. Madilim ang anyo. Kailangan daw siya nitong makausap. May palagay siya na nakagawa na ng paraan si Stella para makita nito ang picture nila ni Singh. Hindi pa man nailalabas ni Daniel ang galit ay hindi na siya makahinga sa paninikip ng dibdib.
Humantong sila sa parking lot ng hospital sapagkat iyon lang ang lugar na walang gaanong tao. Hindi niya kaya tingnan ang mukha nitong puno ng poot at sakit. Yumuko na lang siya. Wala pa man itong sinasabi ay naglaglagan na ang mga luha mo.
"Ibig mong sabihin . . . " Napamaang si Daniel. Garalgal ang boses. Tumingala para mapigilan ang luha pero mayroon pa rin na nalaglag. "Paano mo ito nagawa sa akin, Maya?!"
"Patawarin mo ako, Daniel! Wala
