Napahawak si Maya sa kamay ng asawa habang sinusundan nila ang doctor. Binabagtas nila ang pasilyo patungo sa pinakadulong kuwarto. Sa Mental Hospital na iyon naka-confine si Stella. Inalayo ito sa iba pang pasyente dahil sa nangyaring insidente kahapon.
Nagwala ito. Binasag ang isang baso at saka sinaksak ang kasamahang pasyente. Naging sanhi kung bakit nagkagulo at nagwala na rin ang iba pang pasyente. Chaotic daw ang nangyari. Kinailangan pang tumawag sa pulis upang makontrol ang sitwasyon. Dinala sa hospital ang nasaksak mabuti na lang at hindi naman daw malubha ang tama.
Nakakapangilabot ang paligid. Tumatayo ang kanyang balihibo dahil bawat madaanan nilang kuwarto ay may umiiyak, tumatawa at nagwawala. Bilib siya sa mga psychiatric staff dahil nakayayanan ng mga ito ang ganoon kap
