Tila wala sa sarili si Maya habang naglalakad sa pasilyo ng University. Hindi mawaglit sa kanyang isipan ang pinag-usapan nila ni Tita Delia.
Batid niyang wala itong intensyon na hadlangan sila ni Daniel. Iniisip lang nito kung ano ang makakabuti sa anak nito. Kung paninindigan nga ni Daniel ang desisyon nito, paano siya nito bubuhayin lalo na kung hindi ito makatapos sa kurso nito?
Marami nga nkikipagsapalaran sa ibang lugar para magkaroon ng maginhawang buhay dahil kung dito lang sa probinsya nila ay wala talagang asenso. Maraming nakatapos sa pag-aaral na humantong lang sa pagiging sales lady. Pinakamatayog na ang makapagtrabaho sa opisina ngunit maliit lan ang pagitan ng sweldo sa nagtratrabaho sa Mall.
May magandang kinabukasan na naghihintay kay Daniel sa Maynila. Ayaw niya na si
