"Maya, ikaw na muna diyan. Bibili lang ako ng ulam,"
Tumango si Maya, "Sige po, Ate," Pagkalabas ng kanyang kapatid ay doon pa lang siya huminto sa ginagawa. Nag-inat siya dahil masakit na ang kanyang likod at beywang. Kanina pa niya gustong gawin iyon ngunit nag-aalala siya na baka makita ng kanyang Ate Mela at agawin naman sa kanya ang pamamalantsa. Marami kasi itong nilabhan at ayaw niyang mapagod pa ito ng husto.
Habang hindi pa kasi ito nakakahanap ng trabaho ay tumatanggap muna ito ng labahin. Kahapon ay nakita niya gabundok ang nilabhan nito at total kalahating oras lang ang klase niya ay siya na nag-presenta na mag-plantsa. Mamayang alas-dos pa ang klase niya at dalawang subject lang ang papasukan niya.
Sa ganoong araw ay sa paradahan na lang siya sinundo ni Daniel sapagkat may
