"Missy!" hindi makapaniwalang sambit ni Kleinton nang mabungaran niya ito sa pinto.
Paano nalaman ni Missy na nasa resthouse siya ngayon?
Ang laki ng ngiti ni Missy sabay yakap nito sa kaniya. Napalingon si Kleinton sa kinaroroonan ni Alice. Wala siyang makitang kahit na anong reaksyon sa mga mata ng kaniyang asawa.
Hindi niya malaman kung galit ba ito dahil nandito si Missy.
Nanatili lang itong nakatingin sa kanila habang yakap siya ni Missy. Ilang segundo ang nagtagal, humiwalay din sa pagkakayakap sa kaniya si Missy.
"Ilang beses kitang tinatawagan, Kleint pero hindi ka sumasagot." kaagad na sinulyapan ni Missy ang nasa kaniyang likuran na si Alice.
"Thanks and your gps is open. Magkasama pala kayong dalawa," biglang nalungkot ang mukha ni Missy nang malamang magkasama silan
