Anibersaryo ng kompanya ni Marcus at ginanap ito sa isang sikat na hotel. Nagkakasiyahan ang lahat, nag-uumapaw sa pagkain at mga inuming nakakalasing. Abala si Marcus sa pag-estima sa mga bisita. Samantalang, si Charlene naman ay mukhang nag-eenjoy kasama ng mga kaibigan nito na inimbitahan niya sa okasyong iyon.
"Tama na 'yan, Charlene, lasing na lasing ka na, magtira ka naman ng konting katinuan para sa pag-uwi mo," awat sa kaniya ng kaibigang si Vivian.
"It's okay, Viv, nandiyan naman si Marcus, hindi niya ako pababayaan, kahit pa ubusin ko ang lahat ng alak dito, ihahatid naman niya ako pauwi," may pagmamalaking sabi nito.
"And what made you think na ihahatid ka ni Marcus, nakita mo namang masyadong busy yung tao sa pag-eestima ng mga bisita. If I were you titigilan ko na 'yan," in
