"Good morning!"
Muntik nang maibuga ni Marcus ang laman ng kaniyang bibig ng may bigla na lamang sumulpot sa kaniyang harapan. Tama namang kasisimula palang niyang humigop ng kape mula sa hawak na tasa.
"Huh! You? What are you doing here?" Gulat na gulat ang itsura ng mukha niya pagkakita kay Carlo. Hindi niya lubos maisip kung bakit ito nasa kaniyang pamamahay? Sa itsura nitong naka-pajamang stripe na asul at puting t-shirt ay mukhang kagigising lang nito.
Ngiti lang ang itinugon ni Carlo sa tanong na iyon ni Marcus. Humatak siya ng upuan sa harapan nito at pumuwesto ng upo.
Napaawang na lamang ang bibig ni Marcus ng bigla na lamang magsulputan na parang kabute sa harapan nila sina Dina at Leni.
"Ay, Sir Carlo, gising ka na pala. Good morning, anong gusto mong kainin? Gusto mo bang i
