"Selena! Will you please listen to me! Look, hindi ko naman alam na kapatid mo pala ang lalaking 'yon," ani Marcus habang panay ang sunod sa asawa.
Inirapan ni Selena si Marcus, hindi niya nagustuhan ang sinabi nito.
"Iyon nga ang problema sa'yo, hindi mo naman pala alam kung ano ang nangyayari tapos bigla ka na lang sumusugod. Isa pa hindi naman basta lalaki lang 'yon. Kapatid ko ang pinag-uusapan natin dito. Ten years— ten long years na nawala sa piling namin si Juan, tapos ganun pa ang isasalubong mo sa kaniya. Hiyang-hiya ako sa kapatid ko, alam mo ba 'yon? Paano ka pa niya magugustuhan kung sa unang pagkikita niyo pa lang ay ganuong kagaspang na pag-uugali na ang ipinamalas mo sa kaniya?" dismayadong tanong niya.
Bumuntong hininga ng malalim si Marcus, aminado siya sa nagawa niyang
