"Wow this is great!" bulalas ni Liam nang makababa ng sasakyan.
Nasa private resort sila na isa sa pag-aari at negosyo ni Marcus. Exclusive lang ang resort at hindi open sa public. Pinarerentahan lang ito for occasion, gaya ng wedding, birthday party at iba pa.
Ngayon ay walang ibang guest maliban sa kanilang tatlo. Bukod sa malinaw at malawak na dagat ay may mga swimming pool din sa beach na iyon. May jacuzzi at may iba't-ibang amenities din ang Paradiso de Angela. Ipinangalan ni Marcus ang resort na iyon sa yumao niyang asawa.
"Sir, nakahanda na po ang mga kwarto ninyo, si Simon na po ang maghahatid sa inyo sa villa," sabi ng isa sa mga staff ng resort na sumalubong sa kanila.
Ibinigay nila ang kanilang mga dalang gamit sa katiwala nang resort na si Simon at sinundan nila ito hanggan
