TRAVON ARTIAGA
__
"Tatay!" Narinig kong malakas na sigaw ni Roro. "May tao!"
Binagsak ko ang inaayos kong unan at nagmadaling lumabas ng silid. Sa sigaw ni Roro, alam kong may hindi magandang nangyayari.
"Tumakbo siya do'n!" Turo nito ang direksyon nang makita ako.
Kumuyom agad ang palad ko at hinabol ito. Kabisado ko ang lugar kaya hindi siya makakalayo sa akin. Pinahirapan ako nitong habulin siya pero nahila ko rin ang damit niya.
Pinagsusuntok ko kaagad ito. Hindi ko siya nakita nang maayos dahil sa dilim pero hindi ko ito tinigilan hangga't hindi siya nakakawala.
Nagawa niya ring makaiwas at makatakbo palayo. Gusto ko itong habulin pero naisip ko agad si Zav.
"Trey, ikaw ba iyan? May problema ba?Anong nanagyayari?" tanong ni Mang Juan na noon ay nakadungaw na sa bintana nila. M
