Palakad-lakad si Katherine sa gilid ng pool habang hawak ang cell phone. Paulit-ulit niyang tinatawagan ang numero ng lalaki sa club pero hindi ito ma-reach, wala rin itong reply sa kanyang text message rito kaya naisip na baka ay pinagti-trip-an nito.
Pero hindi mawala sa isipan, kung nagti-trip lamang ito, bakit ito mag-aaksaya ng panahon upang gumawa ng pekeng birth certificate?
Nang makita ang ina patungi sa harden nito ay sinundan niya ito.
"Hindi totoong nanganak ang anak ni Manang Tilde, no, mama, marahil ay pinaalis mo siya dahil alam mong tatanungin ko siya hinggil sa panganganak ko noon?" palatak sa ina.
Matapang itong tumingin sa kanya.
"At ano naman ang tatanungin mo? Kung tama ang nasagap mong tsismis?" bulalas ng ina. "Bakit hindi ang anak mong si Troy ang pagtuunan mo n
