Nakuha ng dalawang kausap ang buong atensyon ni Reden pero nang sumunod na magsalita ang babaeng kasama ng ama ay nadismaya siya.
"Alam naming kailangan mo ng malaking halaga dahil nasabi ng mga kapitbahay ninyo na nasa ospital ang kapatid mo," anang ni Natalie.
Napangiwi si Reden. "Kaya in-offer-an niyo ako dahil alam niyong kailangan ko ng pera para hindi ako makatanggi, ganoon ba?" bulalas na ang tingin ay sa ama.
"No, hindi ganoon 'yon, please makinig ka naman sa amin," naghihisterikal na wika ni Natalie.
"That's enough babe, ako na lang kakausap sa kanya," awat ni Salvador sa asawa. Sa totoo lang ay ayaw niya ng ideya nitong humingi na ng tulong sa kanyang anak pero naaawa naman siya sa tuwing nakikita itong malalim ang iniisip lagi lalo na itong nagdaang mga gabi na gustong-gusto
