Hinihintay na lamang ni Reden ang pangalawang set niya para matapos na siya sa club na 'yon. Punong-puno ng pag-asa ang dibdib na sana ay nakuha niya ng lubusan ang atensyon ni Katherine at ito na mismo ang magsabing nais niyang makilala si Katarina.
Maya-maya ay biglang pumasok sa dressing room si Boss Jan, may kabang bumundol sa dibdib dahil sa naging usapan nila ni Mama Beth kanina hinggil sa pagpapa-take home na hindi nalalaman ng management.
"Boss, may kailangan po ba kayo?" maang na usisa rito dahil sa matiim nitong titig.
Lalong kinabahan si Reden, naisip tuloy si Martha, baka nagtungo roon at nagwala sa opisina nito kaya naroroon ngayon ang kanyang boss.
"May naghahanap sa 'yo," maya-maya ay seryosong tinig nito na nagpaangat sa kanyang tingin.
"Sino boss?" usisa rito.
Muling
