Mukha namang hindi peke ang NSO birth certificate na ipinakita nito sa kanya, hindi niya maipagkakailang siya ang Katherine Lopez nakalagay doon dahil sa sakto ang address na nakasaad roon sa address nila.
'Kung anak ko ang Katarina Lopez na 'yon, ibig bang sabihin na kambal ang aking anak?' tanong sa isipan.
Pagkagising niya noon ay si Troy lang naman ang bata sa kanyang tabi, paano nangyaring may batang babae na siya ang ina?
Gulong-gulo ang isip ni Katherine, hindi tuloy siya nakatulog. Tila gusto niyang gambalain ang pagtulog ni Manang Tilde upang malaman ang katotohanan pero pinigil niya ang sarili.
'Anong ginawa mo, mama?' anang pa sa isipan.
Mabilis na kinalkal sa shoulder bag ang maliit na papel na pinaglagyan ng lalaki ng cell phone number nito upang matawagan kung gusto niya
