Matapos ang dalawang oras na pagkakaidlip ay naalimpungatan si Manang Tilde sa ingay sa kanyang paligid. Naramdaman niya ang pagkakahilig niya at doon napagtanto na napahilig siya sa balikat ng lalaking nakaupo sa kanyang tabi.
"Naku, pasensiya na sir hindi ko napansin na—" putol na turan nang makilala ang lalaking katabi niya.
"Manang, anong ginagawa mo rito?" deretsahang tanong ni Reden nang magising ang matanda.
Napansing magkakaila pa sana ito pero inunahan na niya.
"Alam kong kayo ang kasambahay ng mga Lopez," aniya sa matanda at doon ay napayuko ito.
"T-Tama ka, hijo, ako si Manang Tilde ang yaya noon ni Ma'am Katherine at matagal na nanungkulan sa mga Lopez," wika nito na hindi na nagawang magsinungaling pa.
Ilang sandaling pinagsakluban sila ng katahimikan bago muling nagsali
