Pagbalik ni Reden sa dressing room ay mabilis na nagpalit ng damit. Nagmamadali siyang lumabas nang halos makabungguhan niya si Mama Beth na noon ay nagtataka na agad siyang nakabihis.
"May problema ba?" agad nitong usisa.
Mabilis na umiling si Reden bilang tugon dito. Nag-aalala siya na baka umalis na si Katherine kaya mabilis na iniwan ang floor director na puno ng pagtataka sa mukha nito.
Mabilis na pinuntahan ni Reden ang mesang kinaroroonan ni Katherine. Malapit na siya rito, ilang hakbang na lamang ngunit napahinto siya at bigla ay nag-alinlangan.
Kinabahan siya kung kakausapin ba siya nito.
"Bakit ka nagpunta sa bahay?" tinig na nagpaangat sa mukha ni Reden.
Nang sipatin ang mesa ng babae ay kitang matiim itong nakatingin sa kanya kaya lubusan na siyang lumapit dito
"Gusto s
