Alas-dos nang magising si Reden kaya nagmadali na siyang naligo upang magtungo sa bahay ni Katherine Lopez, nagbabakasakali siyang sa wakas ay nakauwi na siya ng Pilipinas.
Matapos ng mahigit isang oras na biyahe patungo sa kabilang bayan ay narating rin ni Reden ang pakay. Pagbaba niya ng estasyon ng bus ay nag-taxi na siya para mas madaling makapasok sa subdibisyon na 'yon.
Nang madaanan ang bahay ng ama ay hindi maiwasang sumulak ang dugo para rito.
"Kinamumuhian kita," usal pa niya sa inis sa isiping hinahanap siya nito ayon sa kanilang kapit-bahay.
Dumeretso ang taxi sa bahay ng ina ni Katatina. Ilang sandali siyang nagmanman sa bahay hanggang sa untagin siya ng driver.
"Hindi pa ba kayo bababa, sir?" usisa rito.
"Saglit lang ako, pakihintay mo na lang ako," aniya sa driver at
