CYRIA
Maghapon akong tahimik at walang kibo. Halos sa nursery room na rin ako mamalagi pero wala yatang pakiramdam ang dalawa na hindi man lang nakaramdam na iniiwasan ko sila.
Hindi ko kasi alam kung paano ko sila haharapin. Sobrang naguguluhan ako, at may mga pagkakataon na sinubukan kong pigain ang utak ko para maalala ko ang lahat pero walang namang nangyari.
Sumakit ang ulo ko hanggang sa nakatulog ako sa tabi ni Andrew. Hapon na nga ng magising ako at wala na sa tabi ko ang anak ko.
Sa bihirang pagkakataon, lumabas ako sa bahay at naglakad-lakad ako dito sa hacienda, hanggang sa dinala ako ng mga paa ko sa lugar kung saan natatanaw ko ang malawak na bukirin na pag-aari ni Zandro.
Malamig ang malakas na simoy ng hangin lalo na at palubog na ang araw at mataas ang lugar. Magand
