Matapos planuhin ang plan B nila ay bumalik na sila sa kani-kanilang trabaho. Ayaw niyang tuluyan siyang palayasin ng boss. Tahimik na tahimik ang opisina nang makapasok siya. Maging siya ay nahiya sa katahimikan kaya maingat ang bawat galaw.
Tila wala sa loob ng opisina nito ang boss kaya naupo siya sa desk. Maingat na maingat rin ngunit nang mapagtanto ang ginagawa ay padarag na umupo sa upuan kasabay ng pagbagsak ng kung anong bagay. Napatigil siya hanggang sa nasundan iyon ng ilang kaluskos.
Nagtayuan ang kaniyang balahibo. 'Oh no, may multo pa yata,' aniya sa isipan. Napa-sign of the cross pa siya dahil sa nararamdaman. Muling nakarinig ng kaluskos buhat sa opisina ng boss.
Marahang tumayo at tinungo iyon. Sumilip sa salamin at kitang wala sa mesa nito ang boss. Ginala ang tingin
